Kütahya Sancağı Redif-i Hassa Alayı verilen emir gereğince memleketlerine döndükleri, Konya Redif Asakir-i Mansure Birinci Alayı’nın Üçüncü Taburu’nun bulunduğu Aksaray sancağında hastalık dolayısıyla taburun toplanmadığı, emrine süvari ve piyade olmak üzere birer alay asakir-i mansure gönderilmesine dair Seyyid Hacı Ali’nin arzı. Devletlü inayetlü übbehetlü fehametlü re’hatmetlü veliyyü’n-ni’am kesire’llutf ve’l-kerem efendim sultanım hazretlerine; Konya eyaletine müretteb Redif Asakir-i Mansure Birinci Alayı’nın Üçüncü Taburu’nun bulunduğu Aksaray sancağında şu aralık yine hastalık zuhur etmiş olduğundan tabur-ı mezburun celb olunmasından sarf-ı nazar olunmuş ve Kütahya Sancağı Redif-i Hassa-i Şahane Alayı dahi şeref-ta’alluk buyurulan irade-i seniyye mucebince mahallerine avdet erdirilmiş ve lede’l-iktiza Hamid Sancağı Redif Manzure Alayı refakat-i çakeride bulunacağından onların celbi hatır-ı güzar olmuş ise de bi-hikmeti Huda liva-i mezburun ba’zı kazalarına müstevli olan hastalık arızası henüz ber-taraf olamamış ve el-haletü hazihi ma’iyyet-i bengedanemde bulunan sunuf-ı  muntazama-i şahane ve asakir-i redifenin mikdar ve kemmiyeti beyandan vareste bulunmuş ve süreçte bir alay dahi asakir-i mansurenin celbi lazımeden görünmüş olmağla muvafık-ı rıza-yyı seniyyeden olduğu halde ber-minval-i meşruh bir alay dahi asakir-i mansure ile muahharan erzan ve şayan buyurulmak babında ve her halde emr ü irade hazret-i men lehü’l-emrindedir. Fi 10 Ca, sene [12]54 19 Cemaziyelevvel 1254 [10 Ağustos 1838]                                                                    Es-Seyyid el-Hac Ali Mustafa UYSAL Araştırmacı-Yazar Kaynakça: Osmanlı Belgelerinde “Kütahya” Sayfa: 690-691