Fasıl 4-Fasıl 5-Fasıl 6- Fasıl 4:  ,Hey’et-i umumiye beyanındır. Yirmidokuzuncu Madde: Her sene akd-i ictima’ edecek olan Hey’et-i Umumiye şirketin umur ve mesalihine dair her sene Meclis-i İdare tarafından takdim olunan layiha ile hesabata dair müfettiş tarafından verilen raporun kıraetini istima’ ve hesabatı lede’l-müzakere ya kabul veya reddeder ve hisse-i  temettu’u tayin eyler.  Tebeddülü iktiza eden Meclis-i İdare a’zasının yerlerine diğerlerini nasb eder ve şirketin bi’l-cümle umur ve hususatı hakkında bi’l-müzakere karar-ı kat’ı i’ta ve Meclis-i İdare’nin icab eylerse iktidarını tevsi’ eyler. Fakat hey’et-i umumiyede asaleten ve vekaleten şirket sermayesinin la-ekall sülüsanına müsavi hisseleri ashabı mevcud olup bunların ekseriyet-i arası hasıl olmadıkca sermayenin tezyidine karar verildi. Otuzuncu Madde: Hey’et-i Umumiyenin zabt olunan müzakeratı bir defter-i mahsusa kayd ve zıri  Hey’et-i Umumiye Reisi ile Re’y toplamağa me’mur olanlar ve katib tarafından imza edilir. Hey’et-i Umumiye’nin her ictima’ında hazır bulunan hissedaranın esamisiyle ikametgahını ve birinin hamil olduğu hisselerin mikdarını mübeyyin bir cedvel tanzim ile mevcud olanlar tarafından imza edilip zabıt defterinin o günkü varakasına rabt  ve taleb vuku’unda alakadarana tebliğ olunur. Otuzbirinci Madde: Li-ecli’l-ihtiyac ibraz olunacak Hey’et-i Umumiye’nin zabıt sureti veya fıkarat-ı muhrecesi Meclis-i idare Reisi veya muhalif-i re’yde bulunan hissedaran için dahi mecburiyyü’l-icradır. Otuzikinci Madde: Hey’et-i Umumiye tarafından işbu nizamname ahkamına tevfikan verilecek kararlar gaib olan veya muhalif-i re’yde bulunan hissdedaran için dahi mecburiyyü’l-icradır. 5. FASIL:  Hesabat-ı seneviyye ve müfredat defteri beyanındır. Otuzüçüncü Madde: Şirketin sene-i maliyesi Mart ibtidasından bed’en ile Şubat’ın sonuncu günü hitam bulur. Fakat birinci sene-i maliye müstesna olarak şirketin suret-i kat’iyyede teşekkülü tarihi ile o  senenin Şubat’ının sonuncu günü beynindeki müddeti şamil olacaktır. Meclis-i İdare her sene nihayetinde şirketin matlubat ve duyunatını havi bir defter-i umumi tanzim ve işbu defter ile muvazene defterini ve hesabatı hey’et-i umumi tanzim ve işbu defter ile muvazene defterini ve hesabatı hey’et-i umumiyenin ictima’ından kırk gün evvel müfettişlere irac ve tebliğ edecek ve Hey’et-i Umumiye’nin hın-i ictima’ından ona takdim eyleyecektir. Hey’et-i Umumiye dahil olmak salihiyetini haiz olan her hissedar mezkur defterleri ve hesabatı mütala’a ve mu’ayene edebilir. 6. FASIL:  Temettu’atın suret-i taksimi ve Re’sü’l- mala mahsub akçe beyanındadır. Otuzdördüncü Madde: Şirketin temettu’at-ı safiye-i seneviyesinden evvela ihtiyat akçesini teşkil  etmek üzere temetru’at-ı mezburenin yüzde on üçü ifraz ve birinci hisse-i temettu’ olarak bedeli tesviye edilmiş sermayeye yüzde beş tefrik olunduktan sonra baki kalan kısmı suret-i atiyede taksim olunur:           Evvela müessine yüzde on dört saniyen Hey’et İdareye yüzde sekiz salisen me’murın ve müstahdemine  yüzde üç rabi’an ikinci hisse-i temettu’  olmak üzere hissedarana yüzde yetmiş beş. Mustafa UYSAL Araştırmacı-Yazar Kaynakça:  Osmanlı Belgelerinde Kütahya Sayfa: 450-451-452-453-454-455-456-457-458-459-460-461-462-463