3. Fasıl Şirketin Umur-ı Dahiliyesi beyanındadır.           Onuncu Madde- Şirketin umur ve mesalihi hey’et-i umumiye tarafından mansub ve beşten yediye kadar a’zadan mürekkeb bir meclis-i idareye ihale olunur ve şı kadar ki ilk üç sene müddet için teşkil olunacak meclis-i idare a’zası müessisler tarafından ta’yin olunacaktır.           Onbirinci Madde- Üç sene müddet için ta’yin olunan a’zanın müddet-i me’muriyetleri hitam bulunduktan sonra intihabat icrasıyla ta’ayyün eden yeni meclis-i idare  a’zasının ilk teceddülerde kur’a ile ve ondan sonra kıdem i’tibarıyla her sene çıkarılarak yerlerine aharı intihab ve ta’yin kılınacaktır. Şu kadar ki çıkan a’zanın tekrar intihabı caiz olacaktır.           Onikinci Madde- Meclis-i idarenin ictima’ı icab’ı maslahata tabi2olacak ise de la-ekall on beş gün günde bir def’a şirketin merkezinde toplanması labüddür. Müzakeratın mu’teber olması la-ekall nısfından bir ziyade a’zanın bi’z-zat huzuruna menutdur.           Meclis-i idarenin kararları  hazır bulunan a’zanın ekresiyet-i arasıyla mu’teber olur. Tesavi-i ara vuku’unda keyfiyet-i ictima’ atiye ta’lik edilir ve onda dahi tesavi-i  ara vuku bulursa mevzu’-bahs olan teklif reddolunur.           Onüçüncü Madde: Meclis-i idarenin müzakeratı zabıt defterine kayd olunur ve zırı reis ile hazır bi’l-meclis bulunan a’za tarafından imza edilir. Zabtın sureti veya bir fıkra-i muhrecesi mu’teber olmak içi n reis veya vekili tarafından imza olunmak lazım gelir.           Ondördüncü Madde:  İdare-i meclis  a’zasından her birinin yirmi beş hisse senedine malik olması lazım gelir. Senedat-ı mezbure şirketin sandığına tevdi’olunacak ve a’zanın müddet-i me’muriyetileri zarfında satılamayacaktır. Bunların üzerine füruhtu caiz olmadığını mübeyyin bir damga  vurulacaktır.           Onbeşinci  Madde:  Meclis-i idare  her sene a’zası miyanından bir reis ve bir reis vekili intihab eder ve reisin veya vekilinin gıyabında vekalet etmek üzere ‘zadan birini ta’yin eyler.           …           Onyedinciı  Madde: a’zadan memalik-i ecnebiyede ikamet veya muvakkaten gaybubet edenler esna-yı müzekeratta kendilerine vekalet etmek üzere refiklerinden a’zadan birini ta’yin edebilirler. Şu kadar ki vekalet edecek a’zadan birini ta’yin edebilirler. Şu kadar ki vekalet edecek a’zanın kendi re’yi dahil olduğu halde ikiden ziyade re’yi olamayacaktır.           Onsekizinci Madde: Meclis-i idare şirketin umur ve emvalinin idaresi için iktidar-ı tamı haizdir ve hatta sulh olmak ve hüküm ta’yin etmek salahiyetine dahi maliktir ve hey’et-i umumiyeye arz olunacak hesabatı tanzim ile tevzi’ olunacak hesabatı tanzim ile tevzi’ olunacak temettu’un miktarını teklif eder. Meclis-i idarenin reisi gerek müdde’i ve gerek müdde’a-aleyh sıfatıyla huzur ve-ı mehakimde bi’z-zat veya bi’l-vekale şirket namına murafa’ada bulunur.           Ondokuzuncu Madde:  Meclis-i idare mevadd-ı mahsusa ve bir müddet-i mu’ayyene  için haiz olduğu iktidarı kısmen veyahud tamamen a’zasından bir veya birkaç zata ba-vekalet-i mahsusa ihale edeceği misilli mesalihcariyenin rü’yet ve tesviyesi için dahi bir veya birkaç zatı tevkil eyleyebilir.           Yirminci Madde: Meclis-i idare a’zası hasılat-ı safiyeden kendilerine tahsis kılınacak hisseden başka mecliste hazır bulunacakaları günler için hissedaran hey’et-i umumiyesince takdir ve ta’yin edilecek bir ücret dahi ahz edeceklerdir. Mustafa UYSAL Araştırmacı-Yazar Kaynaça: Osmanlı Belgelerinde Kütahya Sayfa:  450-451-452-453-454-455-456-457-458-459-460-461-462-463