7 OCAK 1909 TARİHLİ BELGE Q              ANTİMON MADENİN GAYRİMÜSLİM OLAN İŞLETMECİ ZENGİNLERE İŞLETME 99 YILLIĞINA HAKKININ VERİLDİĞİNE AİT BELGENİN ASLI                                                                       (7 Ocak 1909) Madde I.Kütahya’nın Örencik Nahiyesinin Cebrail köyünde bulunan “Antimon madeni” işletme hakkının doksan dokuz yıllığına Ortaköy’de mukim İsrail Natal Efendi ile Bursalı Madenci Nusayb Papazyan ve Heci Sergis Ütücüyan’a verildiği.                                 Bihı Şura-yı Devlet-e Mahsus Müsvedde Varakası Mazbata 1000/3461 Numara: Hey’et-i Umimiye-6 Tarih-i tesvid: 9 Zi’l-hicce sene [1]326, 20 Kanun-ı evvel sene [1]324 Tarih-i tebyiz: 14 Zi’l-hicce sene [1]326, 25 Kanun-ı evvel sene [1]324 2 Orman-1056   II.            Emniyet Şerif Paşa Hazretleri     Hüdavendigar vilayeti dahilinde Kütahya sancağına muzaf Cebrail karyesinde zahire çıkarılan antimon ma’deninin İsrail Natal ve NUsayb Papazyan ve Heci Sergis uhdelerine ihalesine dair Tanzimat Dairesi’nden kaleme alınan mazbataya Heye’et-i Umumiye’den yazılan zayldir. III.         Tanzimat Dairesi’nin işbu mazbatası melfufatıyla Hey’et-i Umumiye’de kıraer olundu. Maden-i mezkurun ihale istid’anamesi müddet-i taharrinin inkızasından birkaç ay sonr verilmiş olduğuna ve müddet-i nizamiyenin inkızasından sonra i’ta ihale istid’anamesi üzerine mu’amele icrası Ma’adin Nizamnamesi’nin yirmi ikinci maddesi hükmene mugayir bulunduğuna mebni Tanzimat Dairesi’nin kararı vechile zikr olunan ruhsatnamenin iptaliyle diğer talibine ruhsatname i’tası lazım geleceği bir rai tarafından dermiyan olunmuş ve gerçi ihale istid’anamesi bugünkü ihtiyaca göre muhtacı-ı ta’dil ve teshil olan Ma’adin Nizamnamesi’nde tayin ve beyan olunan müddetden birkaç mah sonra i’ta edilmiş ise de mülkün en mühim ve en şayan-ı istifade menabi’i gayri-i mekşufesinden olan ma’adin sine-i arzda medfun bir hal-i metrukiyette bırakılmasından ise gayeti bir müddet-i cüz’iyyeden ibaret olan teehhur sebebiyle memleket ve ahalinin istifadeden mahrum edilmeyerek ma’den-i mezkurun heman zahire ihracıyla işledilmesi bi’l-vucuh calib-i enfa’at olacağı cihetle bu babda müteharrilere teslilat-ı lazıme iraesi icab-ı hale daha ziyade tevafuk edeceğine ve Dersa’adet’ce ve mahalince hın-i i’lanında hiçbir mu’teriz zuhur etmediği nezaretin tezkiresinde gösterildiğine mebni ihale istid’anamesinin teehhur-ı i’tasından dolayı ruhsatnamesin ibtali cihetine gidilmesi münasib görülememiş olduğundan nezaret-i müşarun-ileyhaca tanzim kılınmış olan melfuf mukavelename techizat-ı askeriye için hasılat-ı safiyeden yüzde beşden ona kadar bir hisse tefrik ve i’tasına dair ahıran ittihaz ve ma’adin-i saire hakkında tatbik ve icra edilen usule tevfikan tanzim ve ona göre devair-i müte’allısına tebligat ifa kılınmak üzere ma’den-i mezkurun bet-muceb-i istizan muma-ileyhim uhdelerine ihalesi hususunun Orman ve Ma’adin ve Zira’at Nezareti’ne  havalesi akseriyetce tezekkür ve şartname layihasıyla harite-i mevki’iyyesi de leffen takdim kılındı ferman. Mustafa Uysal Araştırmacı-Yazar Kaynakça: Osmanlı Belgelerinde Kütahya Sayfa: 226-227-252-253